Fréttir af safninu

How do you like Myceland?

Franski ljósmyndarinn Grégory Gerault hefur komið reglulega til Íslands í sjö ár. Sýningin MYCELAND sem opnar í Ljósmyndasafninu núna á fimmtudaginn er afraksturinn.

Í texta Ásdísar Ólafsdóttur listfræðings um sýninguna segir:

Grégory hefur gert að sínu landið, fólkið og lífsmynstur þess og hann horfir ekki á það utan frá heldur að innan með skilningi þess innvígða. Það er væntumþykja í augnaráði hans, eins og sonar sem horfir á aldraða foreldra eða á bernskuslóðir sínar. MYCELAND Grégorys er bæði kunnuglegt og framandi, hans og okkar.

Sýningin er opin alla daga vikunnar og aðgangur er ókeypis.

Ljósmynd: Grégory Gerault