Börn og kona á gangi á Húsavík, c. 1970-73.

„Óvenjuleg mynd frá Húsavík. Engin kirkja, engin höfn, bara kyrrlát mynd af Garðarsbrautinni tekin við endann á steypta kaflanum. Dökklædd kona með tösku eða ráptuðru í hendi, kannski réttkominn úr Hrunabúð. Engir bílar, bara krakkar í litríkum fötum spígsporandi út á miðri götu, eða eru þau ef til vill að bíða eftir einhverju sem við ekki sjáum? Beint framundan símstöðin þar sem mágkonur mína unnu, til hægri byrjunin á Ásgarðsveginum þar sem ég átti heima, Búðaráin þar sem ég veiddi lontur og fleytti skipum rennur undir götunnni og næst framan við grindverkið til hægri leiðin inn í Rauða torgið þar sem systir mín átti heima og flestir leikfélagarnir. Húsavík bernsku minnar rétt uppúr 1970, rétt áður en ég flutti suður.“

Ljósmynd vikunnar er valin af Sigurði J. Vigfússyni

Ljósmynd: Will Perry